Почитувани бруцоши,
Ве покануваме на првиот академски час во учебната 2024/2025 година, кој ќе се одржи на 01.10.2024 година (вторник), во периодот од 10 до 12 часот, на платото во комплексот на општествените науки – пред споменикот на Светите Кирил и Методиј.
Агендата на првиот час има и ориентациски карактер и вклучува заедничка информативна сесија на УСС и Студентарија, како и други информативни содржини со обиколка на платото каде ќе имате можност да се запознаете со бројните студентски организации и поддржувачи на УКИМ кои ќе ви бидат од голема корист во текот на студентскиот живот.
На првиот академски час предвидено е да се обратат ректорката на Универзитетот „Св. Кирил и Методиј“ во Скопје проф. д-р Биљана Ангелова, претседателот на Универзитетското студентско собрание на УКИМ Александар Николовски и министерката за образование и наука на РСМ проф. д-р Весна Јаневска.
По оваа манифестација, ве очекуваме на Филолошкиот факултет „Блаже Конески“. Во Аулата на Филолошкиот факултет ќе ве пречекаат претставници на вашите Катедри, ќе бидете запознаени со студиските програми и ќе ви бидат доделени индекси.
Срдечен поздрав
