Почитувани,
Ве известуваме дека на 18 декември 2024 година (среда) во 10:00 часот во Големиот амфитеатар на Факултетот ќе се одржи свечено доделување на дипломите на магистрандите кои се стекнале со академски степен магистер и на студентите кои дипломирале на прв циклус (додипломски) студии на Факултетот. По тој повод Ве покануваме да присуствувате на свеченото доделување на дипломите. Со цел навреме да отпочне свечениот чин, Ве молиме да дојдете еден час порано, односно во 09:00 часот. Бидејќи треба да бидете облечени во свечени одори, задолжително носете со Вас документ за лична идентификација (лична карта или пасош), кој треба да биде приложен при подигнувањето на одората. Веднаш по врачувањето на дипломата се потпишувате во Главната книга на дипломирани студенти. Вашето присуство е задолжително за целото времетраење на свеченоста. На свеченоста може да Ве придружуваат најмногу двајца возрасни. Доколку не сте во можност да присуствувате на денот на промоцијата на дипломите, можете да испратите друго лице со полномошно (заверено на нотар) кое ќе ја подигне дипломата во Одделението за студентски прашања.
*Важна напомена:
После 2 месеци од денот на промоцијата, се смета за задоцнето подигање на дипломата, за што се наплаќа надоместок од 6000,оо денари.
Со особена почит,
Д Е К А Н
проф. д-р Владимир Мартиновски
