Дел од своето основно образование го завршила во Канада (Онтарио). Со високо образование се стекнала на Филолошки факултет „Блаже Конески“, на Катедрата за англиски јазик и книжевност (наставна насока), во 2005 година. Во 2010 година го одбранила магистерскиот труд на тема: Родовата обележаност во англискиот јазик одразена во пишаните медиуми и во учебниците по англиски како странски јазик. Докторската дисертација на тема: Категоријата број во англискиот и во македонскиот јазик ја одбранила во 2018 година, стекнувајќи се со научниот степен доктор на филолошки науки.

Работи на Катедрата за англиски јазик и книжевност од 2005 година. Од 2012 година предава Англиски јазик во струка 2 на Економскиот факултет, УКИМ. Предавала Англиски јазик на Правен факултет „Јустинијан Први“, УКИМ, и тоа на групите за Новинарство и Политички студии.

Учествувала во бројни работилници и школи во земјата и во странство (како раководител и учесник), а со свое излагање била дел од научни и стручни собири организирани од универзитети во С. Македонија, Чешка, Португалија, Тајланд и Белгија. Одржала и 2 предавања по покана на универзитети (Србија, Босна). Ментор е на дипломски трудови, а учествува и како член во комисии за одбрана на дипломски трудови. Учесник била во два национални и еден меѓународен научен проект.

Оценувач била на делот говорење на испитите за B2 First и C1 Advanced, преку Британскиот Совет Македонија.

Го поседува серфикатот Cambridge CELTA (Certificate in English Language Teaching to Adults).

Креатор е на првиот деловен речник како мобилна апликација (2016).

Член е на професионални асоцијации и групи: eTwinning (еТвининг амбасадор), OED Researchers Advisory Group, и ESSE (European Society for the Study of English).