ЗАВЕРКА НА ЛЕТЕН СЕМЕСТАР

И ЗАПИШУВАЊЕ НА ЗИМСКИ СЕМЕСТАР

ЗА УЧЕБНАТА 2026/2027 г.

Електронско бирање предмети во iKnow:

до – 30.9.2026

Втора година – до 24.9.2026

Трета година – до 28.9.2026

Четврта година и повеќе до 30.9.2026

Ве молиме по извршеното бирање на предметите повторно да го проверите вашиот профил, односно избраните предмети.

Поднесување документи во Студентски прашања со задолжително електронски избрани предмети:

Втора година – 23.9. – 24.9.2026

Трета година – 25.9. – 28.9.2026

Четврта година и повеќе до 30.9.2026

Работното време со студенти во наведениот период е од 8:30 до 15:30 часот

Пауза 10:00 до 10:30 часот

Ве молиме за задолжително почитување на термините по студиски години во спротивно по истекот на последниот рок се смета за задоцнето запишување.

ПОТРЕБНИ ДОКУМЕНТИ ЗА ЗАПИШУВАЊЕ НА СЕМЕСТАРОТ:

1. Пополнет индекс во кој се запишани претходно избраните предмети согласно упатството во Прилог 2

Предметите кои ќе ги запишувате (слушате) во зимскиот семестар 2026/2027 задолжително претходно да ги изберете во iKnow.

2. Уплатница за платена партиципација/школарина, уплатена на сума пресметана според тоа колку кредити запишува студентот, согласно упатството во Прилог 1

Освен износот на ЕКТС кредитите, студентите не треба да плаќаат за запишување на предмет по вторпат/третпат.

3. Уплатница во износ од 750 денари – за информативни, информатички, културни и спортски активности на студентите на Универзитетот „Св. Кирил и Методиј” во Скопје, со назнака ИКСА на УКИМ – Филолошки факултет „Блаже Конески”, на:

– жиро сметка 100000000063095

– депонент: НБРСМ со сметка на буџетски корисник 1600103689 788 18

– приходна шифра 723012

– програма 41

4. Потврда за уплата на 2000 денари за материјални ресурси за реализација на студиските програми.

Уплатата треба да се изврши на следната жиро сметка:

– Назив на примачот: Буџет на РСМ – Филолошки факултет „Блаже Конески“

– Банка на примачот: НБРСМ

– Сметка: 100000000063095

– Сметка на буџетски корисник: 1600104235 788 10

– приходна шифра: 723012

– програма 41

5. Потврда за уплата на 100 денари – за е-обрасци за заверка на летен семестар 2025/2026 и запишување на зимски семестар 2026/2027 на:

– жиро сметка 100000000063095

– депонент: НБРСМ со сметка на буџетски корисник 1600103689 788 18

– приходна шифра 723019

– програма 41

– цел на дознака: обрасци за запишување и заверка на семестар за Филолошки факултет.

6. Статистички образец ВОИ-20 – се пополнува електронски и се доставува на Одделението за студентски прашања

Секој студент е должен да го пополни Електронскиот образец за статистика ВОИ.20 преку следниот линк:

Образец ВОИ.20 – Услуги.gov.mk

При пополнувањето на Образецот ВОИ.20 во делот Степен на студии се бира Академски универзитетски студии.

За користење на услугата потребно е да имате креирано профил на НИСКО НИВО или да се најавите со постоечкото корисничко име од УЈП.

По успешно пополнување и поднесување на образецот, системот ќе Ви издаде:

1. Генериран образец и
2. Потврда за успешно доставен образец

со електронски печат на Државниот завод за статистика (ДЗС)

Студентите се должни Потврдата за успешно доставен образец да ја достават до Факултетот при упис на академската 2026/2027 година.

Важни насоки при пополнување на ВОИ.20

Ве молиме, при пополнувањето на образецот и пријавувањето на семестарот, обрнете внимание на следното:

1. Доколку првпат креирате профил на УЈП, регистрацијата треба да ја направите преку следниот линк:
   Е-УЈП
   По регистрацијата, потребно е лично да одите во канцеларија на УЈПза да Ви биде одобрена регистрацијата.
2. Доколку ја имате заборавено лозинката за УЈП, можете да ја ресетирате преку:
   Е-УЈП
   изберете ја опцијата „Заборавена лозинка“. За ова е потребно да имате пристап до Вашата регистрирана е-пошта.
3. Доколку веќе имате профил на УЈП, но на порталот uslugi.gov.mk Ви покажува дека профилот е со „ОСНОВНО НИВО“, потребно е лично да се обратите во канцеларија на УЈП за промена на профилот во „НИСКО НИВО“.
4. Доколку профилот е со „НИСКО НИВО“ и се прикажуваат Вашето име, презиме и останатите лични податоци, профилот е правилно активиран. Во тој случај, пребарајте ја услугата ВОИ.20 и продолжете со пополнување на образецот.
5. Доколку сте новозапишан студент (бруцош) и првпат се пријавувате преку порталот uslugi.gov.mk, а сè уште немате број на индекс, во полето за број на индекс внесете 0000.
6. По успешно пополнување и поднесување на апликацијата, потребно е да ги испечатите и доставите до Факултетот:

– Потврдата за барање

– Излезниот документ

Напомена: Излезниот документ може да не биде достапен веднаш по поднесувањето. Доколку не се појави, почекајте неколку минути и освежете ја страницата/прозорецот.

Важно

Горенаведените насоки се подготвени врз основа на досегашното искуство со студентите, со цел да Ви го олеснат процесот на пополнување и доставување на образецот ВОИ.20.

Ве молиме внимателно следете ги упатствата за да се избегнат непотребни одложувања при запишувањето.

Неисполнувањето на оваа обврска, ќе значи неможност за запишување на зимскиот семестар.

Сите потребни уплати за заверка и запишување на семестар може да се уплатат:

– електронски преку iKnow-системот после валидација на запишаните предмети од страна на Одделението за студентски прашања,

– и на вирман ПП50 во банка, во пошта или преку електронско банкарство и да се донесе потврда за уплатата.

ВАЖНИ НАПОМЕНИ:

– Согласно Правилата за студирање на студиските програми на прв циклус универзитетски студии на Филолошкиот факултет кој гласи “студентите од прв циклус на студии имаат право да ги завршат започнатите студии според условите и студиската програма на која се запишале, најдолго во период што е два пати подолго (4+4 години) од пропишаното траење на студиите”

– Студентите запишани во квота со партиципација (државна квота) го губат статусот на студент запишан во квота со партиципација и ги продолжува студиите во квота со школарина ако: еден предмет запишува по трет пат; не освоил најмалку 50% од запишаните кредити во одреден семестар до почетокот на наредниот соодветен (зимски, односно летен) семестар; доколку прекинот на студиите трае 3 (три) и повеќе последователни семестри.

– Студентите коишто го положиле последниот испит од студиската програма и им е останата само одбраната на дипломската работа треба веднаш по положувањето на последниот испит да го достават индексот во Одделението за студентски прашања за проверка на студентското досие и исполнетоста на условите за одбрана на дипломската работа.

– Студентите кои ја имаат запишано дипломска работа во летниот семестар и на кои рокот за изработка односно одбрана на дипломската работа го преминува рокот за запишување на зимскиот семестар вршат запишување на зимскиот семестар со уписен лист и лист за заверка на семестар и уплата од 1000 денари. Оние студенти на кои дипломската работа им останува како обврска во зимскиот семестар должни се да ја запишат, односно презапишат со подмирување на трошоците за дипломската работа.

– Студентите запишани во академската 2019/2020 должни се да ги завршат своите обврски согласно студиската програма до 30.9.2027 година во спротивно преминуваат по активните студиски програми.