NIP.UKIM.25-26.19
Словенските книжевности во превод: чешката, руската, полската и словенечката книжевност на македонски јазик (1945–2025)
Проектот „Словенските книжевности во превод: чешката, руската, полската и словенечката книжевност на македонски јазик (1945–2025)“ (СЛОВЛИТ) има за цел систематски да го истражи присуството и рецепцијата на четири словенски книжевности во македонската културна средина преку нивните преводи на македонски јазик во периодот од 1945 до 2025 година.
Во рамките на проектот ќе се соберат, обработат и систематизираат библиографски податоци за преведените книги и текстови од чешката, руската, полската и словенечката книжевност, со посебен осврт на авторите, преведувачите и издавачите. Како еден од главните резултати ќе биде изработен дигитален Регистар на книги, писатели, преведувачи и издавачи, кој ќе овозможи целокупниот корпус на преводи да биде достапен на едно место за истражувачите, студентите и пошироката јавност.
Проектот претставува прв систематизиран обид за согледување на обемот, динамиката и развојните тенденции во рецепцијата на овие книжевности во Македонија. Истражувањето ќе овозможи да се идентификуваат најпреведуваните автори, клучните преведувачи и издавачки куќи, како и промените во преведувачките и рецепциските трендови во различни историски и социокултурни периоди.
Оваа фаза ќе постави основа за понатамошни компаративни, книжевноисториски и преведувачки истражувања. Во следната фаза се предвидува продлабочена анализа и периодизација на собраниот материјал, со подготовка на четири посебни монографии – за чешката, руската, полската и словенечката книжевност во македонски превод.
Истражувачки тим
Д-р Јасминка Делова-Силјанова – редовен професор, Катедра за славистика, Филолошки факултет „Блаже Конески“ – Скопје, главен истражувач
Д-р Лидија Танушевска – редовен професор, Катедра за славистика, Филолошки факултет „Блаже Конески“ – Скопје.
Д-р Милица Миркуловска – редовен професор, Катедра за славистика, Филолошки факултет „Блаже Конески“ – Скопје.
Д-р Биљана Мирчевска Бошева – редовен професор, Катедра за славистика, Филолошки факултет „Блаже Конески“ – Скопје.
Д-р Лидија Аризанковска – редовен професор, Катедра за македонски јазик, Филолошки факултет „Блаже Конески“ – Скопје.
М-р Екатерина Терзијоска – виш лектор, Катедра за славистика, Филолошки факултет „Блаже Конески“ – Скопје.
М-р Ирен Алчевска – виш лектор, Катедра за славистика, Филолошки факултет „Блаже Конески“ – Скопје.
Д-р Наталија Лукомска – странски лектор по полски јазик, Катедра за славистика, Филолошки факултет „Блаже Конески“ – Скопје.
М-р Ружена Хенкрихова – странски лектор по чешки јазик, Катедра за славистика, Филолошки факултет „Блаже Конески“ – Скопје.
М-р Моника Трпковска – демонстратор (III циклус), Катедра за славистика, Филолошки факултет „Блаже Конески“ – Скопје.