Додипломските студии по англиски јазик и книжевност (наставна насока) и постдиплоските студии (конференциско толкување со лингвистика) ги заврши на Филолошкиот факултет „Блаже Конески‟ –  Скопје.

Нејзиното работно искуство при Филолошкиот факултет генерално вклучува лекторска настава по Современ англиски јазик и Академско Пишување, но и практични вежби по Морфологија на англискиот јазик 1 и 2. Исто така, таа има држено настава по англиски јазик на нематични факултети (ESP), како што се Стоматолошкиот и Правниот факултет во Скопје. Има богато долгогодишно искуство во настава по англиски јазик и јазична обука на сите нивоа (од А0 до Ц2, според Заедничката европска рамка), како и подготовка на кандидати за испитите на Кембриџ, TOEFL:iBT, IELTS и telc GmbH.

Од позначајните меѓународни проекти во кои има учествувано ќе ги издвоиме: проектот на Еразмус + (КА2) за стратешко партнерство под работен наслов „Развивање студиска програма за применети странски јазици ДАФЛС‟; меѓународниот проект на еТвининг платформата (кофондирана од Еразмус +) eTwinning project: Bridging Cultures; меѓународната летна школа: Comparing Confidence and Trust Online and Offline во Палич, Србија, која е организирана како резултат на проект меѓу Филолошкиот факултет „Блаже Конески‟ во Скопје и Faculty of Humanities, TU Chemitz; и проектот за проценка на јазично ниво преку ангажирање на голем број учесници организиран од Центарот за англиска корписна лингвистика (Centre for English Corpus Linguistics) при Католичкиот универзитет во Лувен, Белгија: Crowdsourcing Language Assessment project (CLAP).

Нејзиното искуство вклучува и учество во организациски одбори на научни собири и конференции (Научниот собир за одбележување на 100-годипнината од раѓањето на Блаже Конески и 75-годишнината од основањето на Филолошкиот факултет „Блаже Конески‟ во Скопје, и меѓународната конференција Студии по англистика – интердисиплинарност во истражувањата и практиката: ЕСИДРП 2022). Таа исто така била член на Одборот за уредници за Зборникот на конференцијата – ЕСИДРП 2022.

Има учествувано во бројни семинари, работилници, обуки, конфереции наменети за професори по англиски јазик, како и конференции за научно истражувачка работа од областа на англистиката.