Образование:

Дипломирала на првиот циклус студии во 1992 год. на Катедрата за германски јазик и книжевност на Филолошкиот факултет „Блаже Конески“ во Скопје.

Магистрирала во 2011 год. на Филолошкиот факултет „Блаже Конески“ во Скопје со одбрана на темата „Интерсубјективноста во германскојазичната експресионистичка лирика“.

Докторирала во 2018 год. на Филолошкиот факултет „Блаже Конески“ во Скопје со одбрана на темата „Критика на верата и на религијата кај Хајнрих Бел“.

Работно искуство:

Наставно-научната и наставно-стручната дејност на Филолошкиот факултет „Блаже Конески“ во Скопје ја започнала во 1997 год. кога била избрана за предавач по германски јазик за настава на нематичните факултети при Универзитетот „Св. Кирил и Методиј“. Во 2004 год. следел избор во наставно-научното звање лектор по предметот Германски јазик на Катедрата за германски јазик и книжевност, а потоа од 2011 год. во звањето виш лектор. Во 2018 год. е избрана во звањето доцент во наставно-научната област Историја на книжевноста на германските народи на Катедрата за германски јазик и книжевност. Од 2023 год. работи како вонреден професор во наведената област.

Учествувала во проектите:

– „Развивање на програма за додипломски и последипломски студии по применети јазици“, DAFLS: Developing Applied Foreign Languages Skills.

– „Гралис-мак“ во рамките на проектот „Моно- и мултилингвален електронски корпус на македонскиот јазик“.

Во рамките на другите ангажмани одржала предавања на

– Универзитетот во Нови Сад, Република Србија и на Универзитетот „Гоце Делчев“ во Штип.

Била раководител на работилница за

– превод на песни во проза од македонски на германски јазик на книгата „Побрзај и почекај“ од Владимир Мартиновски, во организација на Здружението друштвото за македонско-германско пријателство и соработка, поддржана од Гете-Институтот, канцеларија за врски, Скопје.

– работилница на Универзитетот во Нови Сад, Република Србија, со наслов „Und sagte kein einziges Wort“ [„И не кажа ниту збор“] преку ЦЕЕПУС програмата за мобилност на наставници.

– учествувала на работилница за превод на делото „Седмата страна на коцката“ од Влада Урошевиќ, организирана од Друштвото за македонско-германско пријателство и соработка, поддржана од Гете институтот во Скопје.

– Учествувала со реферати на Меѓународни конференција на Здружението на германисти од Југоисточна Европа [SOEGV].

Била член на повеќе комисии за оцена или одбрана на дипломска работа, ментор на дипломски работи и член на факултетски комисии.