Специјален курс за лекторирање и јазична редакција
Филолошкиот факултет „Блаже Конески“ при Универзитет „Св. Кирил и Методиј“ во Скопје, во зимскиот семестар на академската 2024/25 година организира специјален онлајн курс за лекторирање и јазична редакција, наменет како подготовка на кандидатите што имаат намера да полагаат испит за добивање лиценца за лектор, но и како освежување на знаењата од областа современ македонски стандарден јазик за сите заинтересирани кандидати.
Откако ќе се формира вашата група ќе ве исконтактираме во врска со исплатата.
Цената на јазичниот курс изнесува 12.000 мкд и има можност за плаќање на рати (плаќање на рати се одобрува само во случај на прифаќање на условите за исплаќање на целосната сума)
Термините за курсот ќе бидат договорени во согласност со инструкторот по јазик. Истите ќе бидат закажани во две средби во текот на работната недела (понеделник – петок) во временската рамка меѓу 18:00 и 21:00 часот.
