Пријавувањето на кандидатите за упис на Филолошкиот факултет „Блаже Конески“ во уч. 2025/2026 г., согласно роковите утврдени со Конкурсот, ќе се врши во Одделението за студентски прашања од 8:30 до 15:30 часот.

Пред пријавувањето во роковите утврдени со Конкурсот, секој заинтересиран кандидат треба да се регистрира на upisi.ukim.mk и да ја пополни електронската пријава од iKnow-системот.

Бројот којшто кандидатот автоматски го добил од системот за електронското пријавување треба да се внесе и во пријавниот лист што се поднесува при пријавувањето на Факултетот.

Упатство за регистрирање и пополнување на електронската пријава во iKnow–системот

1. Отворете ја веб-страницата upisi.ukim.mk
2. Отворeте кориснички профил следeјќи го линкот „Регистрирај се“, дури и ако сте се регистрирале во минатите уписни рокови, бидејќи корисничките имиња се избришани. Откако еднаш ќе отворите кориснички профил, при секое најавување во системот, користете го истото корисничко име и лозинка – не отворајте нов профил.
3. Најавете се на upisi.ukim.mk и пополнете ја вашата електронска пријава. Пријавата можете да ја менувате во целост сè додека не кликнете на копчето ПРАТИ.

iKnow–системот upisi.ukim.mk овозможува автоматско генерирање на дел од потребните документи: интерен пријавен лист, универзитетски пријавен лист и изјава за национална припадност, изјава за согласност за користење на лични податоци, врз база на внесените податоци на кандидатот. Кандидатите треба да ги отпечатат документите и да ги донесат на Факултетот на денот на пријавувањето.

ПОТРЕБНИ ДОКУМЕНТИ ЗА ПРИЈАВУВАЊЕ

Документите се поднесуваат во Одделението за студентски прашања на Факултетот

Заради поефикасно пријавување, Ве молиме, уплатите да ги извршите во локалните банки!

1. Пријавен лист (Образец А1 – се купува од книжарницата на Факултетот и се пополнува на денот на пријавувањето)
2. Електронска пријава (во iKnow-системот upisi.ukim.mk)
3. Оригинални свидетелства од сите класови*
4. Документ за положена државна или меѓународна матура (оригинално свидетелство за завршено средно образование)*
5. Извод од матична книга на родените (оригинал + копија)
6. Доказ за државјанство на Р. Северна Македонија (уверение или решение) (оригинал)
7. Административна такса во износ од 50,00 денари (Образец ПП50: Назив на примачот: Трезорска сметка-Скопје; Банка на примачот: НБРСМ; Трансакциска сметка 100-0000000-630-95; Уплатна сметка 840-ХХХ-03161; Конто 722313 00) (види примерок-уплатница / види ознаки за општините)
8. Уплатница за уплатени 300 денари на жиро сметка на Филолошки факултет „Блаже Конески“ за конкурирање на студиските програми без проверка на знаења и умеења (види примерок-уплатница)
9. Интерен пријавен лист и Универзитетски пријавен лист (се печатат од електронската пријава на iKnow-системот upisi.ukim.mk)
10. Изјава за национална припадност (се приложува само ако во свидетелствата и во дипломите не е наведена националната припадност – се печати од електронската пријава на iKnow-системот upisi.ukim.mk)
11. Изјава за согласност за користење на лични податоци (се печати од електронската пријава на iKnow-системот upisi.ukim.mk)
12. Изјава за согласност за кофинансирање на студииите (линк за преземање)

Кандидатите кои конкурираат за ВОНРЕДНО СТУДИРАЊЕ освен горенаведените ги поднесуваат и следните документи:

– Нотарски заверен Образец М1/М2 или

– Лекарско уверение од Студентската поликлиника на Универзитетот „Св. Кирил и Методиј“ во Скопје.

Кандидатите кои конкурираат за упис, а остваруваат право согласно Законот за посебните права на припадниците на безбедносните сили на РСМ и членовите на нивните семејства (1. припадникот на безбедносните сили, 2. децата на загинат или починат припадник и 3. децата на воен инвалид од I до VII група воен инвалидитет) и со Законот за посебните права на учесниците во мировните операции и операциите за колективна одбрана надвор од територијата на Р. Северна Македонија и на членовите на нивните семејства покрај горенаведените документи при пријавувањето поднесуваат и документ од Министерството за одбрана или од Министерството за внатрешни работи.

* Дополнителното доставување документ за овие кандидати не се зема предвид.

Кандидатите кои конкурираат за некоја од наведените категории: лица без родители, лица од прв и втор степен на инвалидност, воени инвалиди или лица растени во домови за напуштени деца треба да достават соодветна документација и тоа:

– за лицe кое до 18 годишна возраст имало статус на дете без родители до 26-годишна возраст, доколку се невработени (потврда од надлежниот центар за социјална работа и потврда од Агенцијата за вработување);

– за лица со инвалидност, согласно Уредбата која ја донесува Владата (се докажува со Наод и мислење на службата за функционална проценка при ЈЗУ Здравствен дом – Скопје и со Решение од Центарот за социјална работа за видот и степенот за попреченоста)

– за родител на дете до 6 годишна возраст, доколку е невработен (се докажува со извод од матична книга на детето и Потврда за евидентирано невработено лице)

– за воени инвалиди (се докажува со Решение за Министерството за труд и социјална политика – Управа за прашања на борците и воените инвалиди)

– за лице растени во домови за напуштени деца до 26-годишна возраст, доколу се невработени (Потврда од дом и Потврда за евидентирано невработено лице)

* Овие кандидати се запишуваат надвор од квотата, најмногу до 10% од вкупниот број редовни студенти на соодветниот факултет утврден во Конкурсот.

– За останатите категории кандидати се применуваат одредбите од Конкурсот за запишување студенти на прв циклус студии на студиските програми на Универзитетот „Св. Кирил и Методиј“ во Скопје во учебната 2025/2026 година

Потсетување:

Документите се поднесуваат во Одделението за студентски прашања на Факултетот.

Заради поефикасно пријавување, Ве молиме, уплатите да ги извршите во локалните банки.