прв циклус студии:

  • Современ германски јазик 1,
  • Современ германски јазик 7,
  • Германски јазик В1,
  • Фонологија на германскиот јазик 1.
  • Современ германски јазик 2,
  • Современ германски јазик 8,
  • Германски јазик В2,
  • Фонологија на германскиот јазик 2.

EMAIL: sashka.grujovska-milanova@flf.ukim.edu.mk

 

Сашка Грујовска-Миланова е родена на 6 октомври 1993 во Скопје. Во 2016 г. дипломира на Катедрата за германски јазик и книжевност при Филолошкиот факултет „Блаже Конески“ во Скопје. Како стипендистка на Германската служба за академска размена (ДААД), во 2018 г. ги завршува двегодишните постдипломски студии во Институтот за емпириска лингвистика при Универзитетот „Гете“ во Франкфурт, Германија и се стекнува со научен степен магистер по емпириска лигвистика – општа компаративна лингвистика. Истата година ги завршува и едногодишните постдипломски студии во Институтот за македонски јазик „Крсте Мисирков“ при Универзитетот „Св. Кирил и Методиј“ во Скопје и се стекнува со научниот степен магистер по македонистика со комуникологија. Од студиската 2019/2020 година Сашка Грујовска-Миланова е запишана на докторските студии од областа Наука за јазик на Филолошкиот факултет при Универзитетот во Белград, Србија.

Во рамките на студиите извршува практикантска работа во неколку училишта за странски јазици. Од септември 2017 година е ангажирана како надворешен соработник, а од декември 2018 година е вработена како лектор по германски јазик на Филолошкиот факултет „Блаже Конески“ во Скопје. Изведува лекторска настава на Катедрата за германски јазик и книжевност и на Катедрата за преведување и толкување.

Во периодот од 2015 до 2018 г., Сашка Грујовска-Миланова членува во Организацискиот одбор на студентската конфереција „Како си ми?“ на Филолошкиот факултет „Блаже Конески“, на која во 2015 и 2016 г. настапува со реферати. Во 2016 и 2018 г. учествува на меѓународната конференција ФИЛКО на Филолошкиот факултет при Универзитетот „Гоце Делчев“ во Штип, во 2018 и 2019 г. е дел од меѓународната конференција во организација на Здружението на германисти од Југоисточна Европа (Südosteuropäischer Germanistenverband), а во 2019 и 2020 г. настапува на меѓународниот научен собир „Денови на Благоја Корубин“ и на меѓународната конференција во рамките на Отворените денови на Институтот за македонски јазик „Крсте Мисирков“.

Сашка Грујовска-Миланова е вклучена во научни проекти, членува во факултетски и во други комисии, како и во промотивни активности на Филолошкиот факултет „Блаже Конески“.

Добитничка е на наградата „13 Ноември“ од градот Скопје во 2010 година

Научни и на стручни статии:

  1. Грујовска-Миланова, С. (2021). За поговорките и пословиците во македонскиот и во германскиот јазик со компонентите дома и надвор, односно zu Hause и draußen. Зборник на трудови. Меѓународна научна конференција Македонскиот јазик – извор на научни истражувања (дома и надвор), Скопје, 20−21 октомври 2020, 59–65. Скопје: Институт за македонски јазик „Крсте Мисирков“.

(http://imj.ukim.edu.mk/CMS/Upload/1.%20Македонскиот%20јазик%20извор%20на%20научни%20истражувања%20(дома%20и%20надвор)%202020.pdf) [Пристапено на: 5.1.2024]

  1. Грујовска-Миланова, С. (2020). Модалните глаголи како маркери за инференцијалност во македонскиот и во германскиот јазик. Зборник на трудови. Денови на Благоја Корубин. Меѓународен научен собир. Претходниците како современици. Македонскиот јазик во споредбените лингвистички истражувања, 27–28 мај 2019, Скопје, 207–212. Скопје: Институт за македонски јазик „Крсте Мисирков“.

(http://imj.ukim.edu.mk/CMS/Upload/2.%20ПРЕТХОДНИЦИТЕ%20КАКО%20СОВРЕМЕНИЦИ%20МАКЕДОНСКИОТ%20ЈАЗИК%20ВО%20СПОРЕДБЕНИТЕ%20ЛИНГВИСТИЧКИ%20ИСТРАЖУВАЊА.pdf) [Пристапено на: 5.1.2024]

  1. Грујовска-Миланова, С. (2020). Интеграција на германизмите во македонскиот јазик. ФИЛКО. Зборник на трудови / Петта меѓународна научна конференција , 8–9 октомври, Штип, 43–47. Штип: Универзитет „Гоце Делчев“.

(https://js.ugd.edu.mk/index.php/fe/article/view/4116) [Пристапено на: 5.1.2024]

  1. Грујовска-Миланова, С. (2020). За употребата на глаголските времиња во македонскиот јазик при раскажувањето сонови. Зборник на трудови. Меѓународна научна конференција Македонскиот јазик – извор на филолошки и на културолошки истражувања, Скопје, 13−14 ноември 2019, 93–101. Скопје: Институт за македонски јазик „Крсте Мисирков“.

(http://imj.ukim.edu.mk/CMS/Upload/Other/Македонскиот%20јазик%20–%20извор%20 на%20филолошки%20и%20на%20културолошки%20истражувања%202019.pdf) [Пристапено на: 5.1.2024]

  1. Грујовска-Миланова, С. (2019). Контрастивна анализа на употребата на модалните глаголи како маркери за евиденцијалност во македонскиот и во германскиот јазик. ФИЛКО. Зборник на трудови / Четврта меѓународна научна конференција, 23–25 маj 2019, Воронеж, 83–88. Штип: Универзитет „Гоце Делчев“. (https://js.ugd.edu.mk/index.php/fe/article/view/3441) [Пристапено на: 5.1.2024]
  2. Грујовска, С. (2018). За евиденцијалноста во македонскиот јазик. Македонистика, 17: 93–130. Скопје: Институт за македонски јазик „Крсте Мисирков“. (http://imj.ukim.edu.mk/CMS/Upload/dokumenti/%D0%9C%D0%B0%D0%BA%D0%B5%D0%B4%D0%BE%D0%BD%D0%B8%D1%81%D1%82%D0%B8%D0%BA%D0%B0%2017%20.pdf) [Пристапено на: 5.1.2024]
  3. Грујовска, С. (2018). Граматички средства за означување прекажаност во македонскиот и во германскиот јазик. ФИЛКО. Зборник на трудови / Трета меѓународна научна конференција, 26–27 април 2018, Штип, 119–126. Штип: Универзитет “Гоце Делчев”. (https://js.ugd.edu.mk/index.php/fe/article/view/2656) [Пристапено на: 5.1.2024]
  4. Грујовска, С. (2016). Nomina agentis во македонскиот и во германскиот јазик. ФИЛКО. Зборник на трудови / Прва меѓународна научна конференција филологија, култура и образование, 18-19 март 2016, Штип, 141–146. Штип: Универзитет “Гоце Делчев”. (https://js.ugd.edu.mk/index.php/fe/article/view/1621) [Пристапено на: 5.1.2024]